恶搞童话系列-----<<小公主>>
注意:本故事纯属虚构,与现实中嘅人物,事物等完全无关.请你尽可能睇完原著再睇本文,睇本文时请你务必发挥你60%以上嘅想象力.
小公主
(改编自白雪公主)
从前,某个国家嘅王后,佢日日都向上帝祈祷:我希望可以生一个可爱嘅女孩,佢嘅皮肤要好似雪一样咁白,头发要好似碳一样咁黑.
冇几耐之后,一个"可爱"嘅女孩就诞生咗喇,佢D皮肤好似碳一样咁黑,D头发好似雪一样咁白.生到好似畸形,加上又生到鬼咁样衰,搞到D人都以为小公主系发育不良(王后:汗~~~搞错了吧? 上帝:对不起,搞错了).
尽管如此,大家还是尊称佢为小公主(国王:边个敢唔叫就知死.王后:老公你好MAN啊.众人:汗~~~).小公主一直都受到非常细心嘅照顾.
但系,有日,王后因为生痔疮死咗.小公主唔知系咪受咗刺激,一日到晚系咁笑.国王以为公主傻咗,于是请咗个医生.但系呢个医生系冇牌嘅,而且极度样衰.
呢个医生有个好靓仔嘅手下,佢拥有一种好神奇嘅力量.每日一大早,医生都会问靓仔:"靓仔啊靓仔,呢个国家里最样衰嘅人系边个?"而靓仔每次都会不加思索咁回答:"哏系医生你啦."医生听完后就会大哭:"555~~~当然唔会有人俾我样衰啦.我要成为呢个国家,唔系,应该系呢个世界上最样衰最核突嘅人.要成为'样衰第一人'".(众人:汗~~~你无敌了.)
随着时间嘅流逝,小公主好快就长大咗啦.由于佢从细就娇生惯养,所以王宫D人都好怕佢,小公主呢三个字从一开始就成为咗王宫里面恐怖嘅代名词,再加上国王嘅恶性洗脑,实在......(汗~~~)
不过,大家都唔敢唔将佢放在眼内.唯一唔将小公主放在眼内嘅就只有医生了,因为小公主随着时间嘅流逝,也变得越来越样衰.医生就开始觉得有压力,因为咁意味住佢嘅"样衰第一人"就快不保喇.
在呢股冇形嘅压力下,为求安心,呢日,医生又像往常一样问靓仔:"靓仔啊靓仔,呢个国家最样衰嘅人系边个?""系小公主."靓仔答.
突然之间,医生感觉到佢嘅"样衰第一人"面临前所未有嘅危机.一股巨大嘅压力压迫住佢,压到佢透唔到气.(众人:怎么越来越离普?)
正所谓你有压力,我冇压力,未解决,未解决就要解决.于是医生就稳来一个外国护士,男的.命令他道:"你,同我将呢个国家嘅公主K掉."男护士:"我明白了".
护士心念:公主啊,今次发达啦,杀咗佢就实在太浪费啦,不如呃佢出来然后拖佢去树林....嘻嘻 ...(呢位外国来嘅护士以为公主都系靓爆镜子果种.结果就扭曲咗呢位护士嘅心灵,为佢嘅心灵留下咗日后难以磨灭嘅恐怖阴影.)
护士就照住自己嘅想法把公主约咗出来,当佢见到公主时,佢呆了.佢就念:我实在系太天真啦,我唔系人...
"喂靓仔,系咪见到我吓呆咗呢?不如..."公主话都未讲完就见到有只拖鞋飞埋嚟,幸好避过.只见护士正弯下腰脱另一只拖鞋,准备再嚟.公主见到如此粗暴嘅行为,吓到唔见咗.(其实系在森林里迷路了.)
护士带住惨白嘅面色返去报告,医生听完之后对护士满意咁笑咗一下,护士终于忍唔住,一边狂呕去了.
呢个时候,迷路嘅公主正在森林里大便.(公主:咩大便吖?系施肥.)突然,从草丛里面爬咗条虫出来,公主吓到三魂唔见咗七魄,马上就向小路冲咗出去.(众人:汗~~~公主好似仲未... 导演:呢D细节可以唔使理.)
公主跑啊跑,突然眼前一亮.(因为前面出现咗见屋.)佢破门而入,见到里面有张大台,台边整齐咁摆放住七个马桶.睇得出,呢间屋嘅人平时一定系将D马桶当凳坐,而且咁样放,上厕所都方便,省时省力,估计佢地嘅生活节奏一定好紧张.
公主冇理咁多,大便先大咗一半,于是决定系呢度大埋另一半.便后,公主觉得攰了,于是在旁边嘅七张小床上一摊,"啪"一声,晕低咗,床也应声倒下了.
冇几耐,七个豆钉收完数返嚟.
"啊!?点解我个马桶会有大便架?我今朝明明已经冲咗啊.难道我个马桶会生大便?"
"当当当...".只见豆钉A头上起咗六间豪宅.呢个时候,豆钉B发现咗晕咗嘅公主.
"这...这是人吗?好样衰啊,你叫醒佢啦."豆钉B指住豆钉D讲.
"耶~~~我唔制.人家怕怕."豆钉D.(众人:汗~~~)
由于大家都唔愿意叫醒公主,第二日,公主就自己醒了...
醒来后,公主第一句说话:"你地D床系人训嘅?一躺落去就烂,分明系水货啦."
"你讲咩吖?去完厕所唔冲水,仲要训烂人地D床仲够胆话人家?"豆钉F.
"仲有去完厕所唔洗手啊"豆钉A补充说.
"咩..."公主都未咩完,佢地就开片打起上嚟喇,直到我写佢地停佢地先停落嚟.
后来,当佢地知道咗公主嘅遭遇后,就同意俾公主住落嚟,不过要交租.
就系咁,公主就开始同七个豆钉一齐生活喇,公主为佢地煮饭,洗衫,补屋等杂务.但七个豆钉对佢所做嘅一切极为不满,首先,佢煮嘅饭比石头仲硬,厕所冇洗仲好过有洗,间屋俾佢补完就几乎唔住得人;其次,豆钉们鄙视佢用佢嘅"劳动"换取交租嘅行为;再次,豆钉们不满公主晚晚深夜仲要鬼叫嘅习惯.虽然系咁,但佢地每次出门前都会吩咐公主,咪俾D陌生人入嚟.
城里嘅医生仲唔知道公主仲生存,又问靓仔:"呢个国家里面边个最样衰?"
靓仔话:"系同七个豆钉一齐系森林里生活嘅公主."
"呢个护士竟敢呃我!"
大怒嘅医生马上开除咗个护士,然后化妆成一个卖彩票嘅老婆婆出发到森林里去.佢一到咗豆钉住嘅烂屋前就叫:"卖彩票啦,头奖60万,二奖都有30万."(众人:......)
公主正缺钱交租,马上撞门冲出去大叫:"卖彩票嘅,请流步,我买."
"姑娘,呢张票就送俾你啦,打开嚟睇下有冇中?"
"哇,一等奖吖,60万系我架啦."然后就高兴到晕低咗啦.
"'样衰第一人'只会系我,呵呵..."医生满意地回去了.
傍晚,豆钉们发现咗晕低嘅公主,于是叫醒佢问佢咩事.
"中咗,中咗啦"公主发癫咁扬住手上嘅一张纸.但当佢冷静落嚟一睇,发现根本冇呢间彩票公司,中咗60万嘅彩票顿时成为咗张白纸,公主又当场晕低咗喇.
第二日,公主醒咗,豆钉们又劝佢今次绝对咪乱开门,公主冇神咁点咗点头.
返到城嘅医生以为做低咗公主,非常高兴咁问靓仔:"边个最样衰?"
但系靓仔却话:"系住系森林里面嘅公主."
医生咬牙一怒,化妆成一个推销报纸嘅人,又出现系豆钉们间屋前.佢拍咗拍门,温柔咁问:"需要报纸要吗?"
"系推销报纸架?我地屋企唔需要报纸"
"便宜D俾你要唔要?"
"唔要,我冇钱,你咪叫啦,滚!!"公主恶死咁讲.
医生大怒,撞门入去打晕咗公主.但系等到豆钉们返嚟时,公主又醒返喇.豆钉们为此好火滚,问公主系咪玩嘢,每次都系咁,冇念到双方就因为咁打起上嚟.
镜头一转,我地见到医生已经返到城喇,佢一到城就问靓仔:"靓仔啊靓仔,呢个国家最样衰系边个?"但靓仔竟然回答:"你烦唔烦吖?成日问,你唔烦我都烦啦,最后一次话俾你知,最样衰嘅人唔系你,系森林里面嘅公主."医生听后大发雷霆,今次佢化妆成电力公司嘅人,又去玩嘢喇.
佢拍咗拍门,叫:"我系电力公司嘅,嚟整电灯."
公主一听系电力公司嘅,马上就开门请佢入嚟,话:"你好,等你好耐啦,我地屋企有三盏灯,但系都烧咗,快D帮忙搞搞.系前两个月烧嘅,呢两个月先惨啊,日日黑...."公主话都未讲完,就听到"啊"一声惨叫,原来系化妆成电力公司成员嘅医生俾电电中,冇电力常识嘅公主又冲上去学救人,结果一齐被电到五颜六色.医生运气好,冇咩事,公主就唔好彩咯,电出个爆炸头唔单止,仲电到晕埋添.
医生急急脚咁跑返城里,上咗个厕所后又问靓仔:"靓仔啊靓仔,呢个国家最样衰系边个?唔讲就打死你."
靓仔见佢左手锣住AK右手托住火箭筒,无奈,只好回答道:"系...系医生你."
"呵呵...当然系我啦."医生奸笑着.
镜头再一转,又嚟到咗森林.豆钉们用间破屋木板做咗副棺材,因为木板唔够冇做棺材盖.佢地将公主放咗落副棺材度,准备水葬公主.(众人:喂,人家仲未死啊....).就呢个是侯,故事嘅另一个主角出现喇.(众人:啪啪啪...鼓掌中...)
王子出场后第一句话:"点解我依家先出场吖?我系主角,唔系NPC.导演,出来同我解释下."当王子见到公主时:"哇啊啊...什么东西吖?"(豆钉A:王子,那是公主.)"我靠,导演,点搞架?揾件咁嘅物体叫我演?"
导演:"剧情需要,叫你演你就演啦,7位数酬劳唔系白俾噶."(编剧:导演好有说服力啊!)
继续: 王子:"太...太...太样衰啦!"
"请你快D带佢走."王子都未讲完,豆钉们就抢住叫.(抢对白 -_-|||)
"真系...真系可以?"王子虽然系咁讲,但系可以睇得出,王子系万分唔愿意.但系,揾食艰难,冇计.
于是王子吩咐手下将公主连人带棺一齐抬走.
路途中,有个手下唔小心扑咗一下,木棺散咗,公主个头都撞咗落块石头度,仲起咗一座几十层嘅豪宅添.矛盾又嚟喇.
"哇,我个头啊."公主哭住讲.
"对唔住吖,我唔想架."手下哀求道.
"咪哭啦,个故事就快结束啦,大家演完再搞私人恩怨啦."王子讲.
好,继续...
公主就系系咁嘅情况下醒返喇.大家都依照剧本"高兴"起嚟.
跟住就系一连串古老嘅剧情:醒返嘅公主向王子表示感谢,王子捂住良心向公主求婚,公主开心到当场晕低咁答应,豆钉们又跳又叫咁叫收工.
就系咁,王子公主就去咗王子嘅国家喇.王子嘅国王帮佢地举行了一场"盛大"嘅婚礼.
医生知道咗后,仍然唔死心.佢锣起把手术刀就去参加婚礼.就系佢准备要刺杀公主嘅时候,脚唔小心踩咗块蕉皮,真系人算不如天算咯,医生就咁就衰系块蕉皮度,咁就俾卫兵捉住咗.被捉后嘅医生依然好嚣张,竟然向卫兵吐口水.结果口部被重打几万下,世界上最大嘅香肠从此就诞生喇...
作为对医生嘅惩罚,国民请佢玩咗次唔用绳嘅笨猪跳,医生就咁就去咗数星星喇.
从此,王子同公主就过上咗"幸福"嘅生活喇.(众人:晕~~~咁都叫故事?草草就收场了.)
后记:完剧后,大家都打成一片,尤其系公主同果个手下,更打到入厂... |
|小黑屋|手机版|Archiver|Nw壬天堂世界
( 京ICP备05022083号-1 京公网安备11010202001397号 )
发表于 2006-8-31 09:09:33
提升卡
变色卡
显身卡
发表于 2006-8-31 12:22:04
简体字,当然没说HK人不许用简体